Një aksident i rëndë ka ndodhur sot pasdite në fshatin Poroçan të Gramshit, në vendin e quajtur ‘Toskollare’.
Si rezultat i humbjes së kontrollit, një automjet tip furgon i drejtuar nga B.Ç, ka dalë nga rruga duke rënë në tatëpjetë, e për pasojë ka humbur jetën një person (E.LL 32 vjeç), ndërkohë që tre të tjerë janë plagosur. Dyshohet se personat e përfshirë në këtë aksident janë nga një familje.
Ende nuk bëhen me dije detaje të imtësishme nga aksidenti, por nga raportimet e para mësohet se të plagosurit janë transportuar nga një automjet i rastit. Policia dhe ambulanca janë nisur drejt vendngjarjes.
