Një aksident i rëndë ndodhi sot në mesditë në aksin Gjirokastër-Kakavijë, ku kanë humbur jetën tre persona. Nga të dhënat e para rezulton se dy prej viktimave janë një grua dhe fëmija i saj 2-vjeçar. Personi i tjetër që ka humbur jetën dyshohet të jetë një fëmijë 12-vjeçar. Aksidenti ka ndodhur si pasojë e përplasjes së dy automjeteve ku përveç dy viktimave janë plagosur edhe tetë persona të tjerë.
Nga spitali i Gjirokastrës konfirmohet se edhe të plagosurit janë në gjendje të rëndë. Ende nuk dihet dinamika e aksidentit që ndodhi në fshatin Mashkullorë, por dyshohet se mjetet e përfshira në aksident kanë qenë duke lëvizur me shpejtësi.
Në njërin prej mjeteve me targa zvicerane, dyshohet se udhëtonin shtetas të Kosovës, që ndodheshin për pushime në jug të vendit.
