Një aksident ka ndodhur pak më parë në aksin rrugor Spital-Uznovë në qytetin e Beratit. Një motor me targa AU 576 ka qenë duke qarkulluar me shpejtësi dhe ka humbur kontrollin duke u përplasur me një automjet që qarkullonte përpara tij.
Si rezultat i përplasjes, drejtuesi i motorit është plagosur rëndë pasi ka fluturuar disa metra, ndërkohë që mjeti tip “Benz” me targa AA 957 UR ka pësuar vetëm dëme materiale në pjesën e pasme të tij. I plagosuri është dërguar drejt Spitalit Rajonal të Beratit, ku ndodhet nën kujdesin e mjekëve.
Burimet e para hetimore konfirmojnë se shkak për aksidentin është bërë motori, i cili për shkak të shpejtësisë ka rrëshkitur gjatë frenimit dhe ka goditur nga pas mjetin “Benz” që qarkullonte në të njëjtin sens me të.
