Një aksident ka ndodhur gjatë ditës së sotme në aksin rrugor, Lezhë-Milor në zonën e Markatomaj. Në aksident janë përfshirë dy automjete të përplasura me njëra-tjetrën.
Si pasojë e përplasjes, kanë mbetur të plagosur të dy drejtuesit e automjeteve të përfshira në aksident. Ata janë dërguar për të marrë ndihmën mjekësore në spitalin rajonal të Lezhës, ndërsa gjendja e tyre paraqitet e stabilizuar dhe jashtë rrezikut për jetën.
Paraprakisht dyshohet se shkak është bërë mosrespektimi i sinjalistikave rrugore, ndërsa policia nuk ka qenë në patrullim për të p[parandaluar ngjarjen.
Grupi hetimor po punon për sqarimin e rrethanave të ngjarjes.
27.al raporton se bilanci i aksidenteve rrugore vjen duke u rritur, vetëm dy ditë më parë 4 persona mbetën të plagosur rëndë si pasojë e një aksidenti në Plasë të Korçës. Një 17- vjeçare ndodhet në gjendje kritike për jetën pasi ka pësuar dëmtime të organeve të brendshme.
