Një aksident i rëndë ka ndodhur në aksin Levan- Tepelenë, ku për pasojë ka humbur jetën një grua e moshuar, ndërsa një fëmijë i mitur 8 vjeç ka mbetur i plagosur.
Mësohet se shtetasi Th.Sh, 54 vjeç, banues në Patos, duke drejtuar mjetin tip “Skoda”, ka dalë nga rruga.
“Si pasojë ka gjetur vdekjen e menjëhershme nëna e tij, shtetasja A.Sh, 88 vjeçe dhe ka pësuar dëmtime djali i tij i mitur 8 vjeç, i cili u dërgua me ambulancë në Spitalin Rajonal Fier”, sqaron policia.
Grupi hetimor po punon për zbardhjen e shkaqeve të kësaj ngjarje.
