Policia e Tiranës ka arrestuar një drejtues ambulance, pasi ka shkelur rregullat e qarkullimit rrugor. Si pasojë ambulanca është përplasur me disa mjete të tjera, ku kanë mbetur të plagosur 4 persona. Ngjarja është regjistruar në autostradën Durrës-Tiranë.
Katër personat e plagosur janë dërguar në spital ndërsa mësohet se janë jashtë rrezikut për jetën. Drejtuesi i ambulancës është identifikuar si A. H., 49 vjeç. Ai akuzohet për veprën “Shkelja e rregullave të qarkullimit rrugor”. Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
