Një aksident i rëndë është shënuar mbrëmjen e sotme në aksin rrugor Tepelenë-Gjirokastër. Burime paraprake bëjnë me dije se janë përplasur 3 makina në vendin e quajtur “Ura e Subashit”.
Më konkretisht janë përfshirë në aksident rrugor automjetet tip “Audi”, “Volkswagen” dhe “Ford”, automjeti tip “Ford” pas përplasjes ka dalë nga rruga.
Burime paraprake gjithashtu bëjnë me dije se dyshohet për dy persona të plagosur rëndë, të cilët janë transportuar me urgjencë në spitalin e Gjirokastrës. Policia pritet të dalë me një njoftim zyrtar për të zbardhur detaje nga ngjarja.
Po ashtu në vendngjarje ndodhet dhe grupi hetimor që po punon për zbardhjen e shkaqeve të aksidentit.
