Një aksident i rëndë është shënuar mëngjesin e sotëm në Vlorë. Burime nga policia bëjnë me dije se ngjarja ka ndodhur rreth orës 06:25 në bulevardin “Ismail Qemali”.
Një automjet tip “Toyota”, me shoferen e identifikuar me iniciale A. P., 35 vjeçe, është përplasur me një motomjet në të cilin udhëtonin dy persona ende të paidentifikuar, të cilët si pasojë e aksidentit, janë dëmtuar.
Të plagosurit janë dërguar në spital dhe ndodhen nënë kujdesin e mjekëve.
Paraprakisht dyshohet se shkak i aksidentit është bërë mosrespektimi i sinjalistikave rrugore dhe shpejtësia përtej normave të lejuara.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
