Një aksident i rëndë është rregjistruar në fshatin Dobraç të Shkodrës ku janë përplasur dy makina.
Sipas të dhënave, mësohet se shtetasi E.K. ka goditur me makinën e tij ‘’Benz’’ 56-vjeçarin A.B, shoferin e makinës tjetër, e cila ishte parkuar në anë të rrugës. Nga ky aksident ka mbetur i plagosur rëndë A.B. bashkë me pasagjerin R.S., i cili i ka shpëtuar vdekjes.
Mësohet se 56-vjeçari A.B. është shtruar në Spitalin e Shkodrës.
Nga ana tjetër, policia ka shoqëruar drejtuesin E.K. për sqarime të mëtejshme.
Njoftimi i policisë:
Shkodër/ Informacion Paraprak
Me datë 04.10.2019, ora 16:40, në aksin rrugor Shkodër-Koplik, në vendin e quajtur tek ish-SMT, në fshatin Dobraç të Shkodër, ka ndodhur një aksident rrugor, ku janë përplasur dy mjete, mjeti tip Benz me targë AA646UK me drejtues shtetasin E. K., ka perplasur mjetin tip Benz me targë AA872FJ i cili ka qënë i ndaluar në anë të rrugës.
Si pasojë e perplasjes ka mbetur i dëmtuar një nga drejtuesit e mjeteve shtetasi A. B. 56 vjeç banues në fshatin Boks, Shkodër, i cili ndodhet në Spitalin Rajonal Shkodër, në gjendje të rëndë, dhe pasagjeri R. S. që ndodhet jashtë rrezikut për jetën.
Shtetasi E. K. do shoqërohet në ambjentet e D. V. P. Shkodër për veprime të metejshme.
Po kryhen veprimet me grup hetimor për sqarimin e rrethanave të aksidentit.
