Një aksident i rëndë ka ndodhur pak minuta më parë në Kryebushat, në rrugën Shkodër-Tiranë. Bëhet me dije se të paktën 2 makina janë përfshirë në aksident, të cilat janë përplasur me njëra-tjetrën.
Dyshohet se 2 persona kanë mbetur të vdekur pas plagëve të marrë gjatë aksidentit, ndërsa 4 të tjerë të plagosur.
Ende nuk bëhen me dije shkaqet e aksidentit, apo edhe identiteti i personave të përfshirë në të. Forca të shumta policie kanë mbërritur në vendin e ngjarjes.
