Një aksident me një të plagosur është regjistruar pak minuta më parë në aksin rrugor Elbasan-Cërrik.
Ngjarja ka ndodhur në fshatin Shirgjan, ku një automjet ka përplasur një motoçikletë, duke e nxjerrë nga rruga.
I plagosuri u dërgua me urgjencë në spital, por nuk mundi ti mbijetonte dot plagëve.
Ai është 35-vjeçari Ervis Driza, që po qarkullonte në këtë aks me një motoçikletë. Ndërkohë i plagosur ka mbetur edhe shtetasi Fatos Qosa, 56-vjeç, edhe ky në motoçikletë me viktimën.
Njoftimi i policisë:
Elbasan / Informacion paraprak
Në aksin rrugor Elbasan –Cërrik, shtetasi A.Sh., 25 vjeç, banues në Jagodin, Elbasan, duke drejtuar mjetin tip “Audi”, është përplasur me një motoçikletë me drejtues shtetasin E. D., 35 vjeç, banues në fshatin Shirgjan.
Si pasojë e aksidentit ka ndërruar jetë drejtuesi i motoçikletës , si dhe është plagosur jashtë rrezikut për jetën shtetasi F.Q., 56 vjeç, i cili ishte pasagjer në motoçikletë . Drejtuesi i mjetit është shoqëruar në Komisariatin e Policisë Elbasan, për veprime të mëtejshme procedurale.
Grupi hetimor ndodhet në vendngjarje dhe po punon për zbardhjen e shkakut të aksidentit.
