Një aksident ka ndodhur në Prishtinë, ku janë përplasur tre automjete dhe një autobus. Ngjarja ka ndodhur rreth orës 08:15, ka konfirmuar zëdhënësi i policisë për rajonin e Prishtinës, Agron Borovci.
Ai tha se në këtë aksident përveç dëmeve materiale edhe një person është lënduar.
“Rreth orës 08:15, është pranuar informata për një aksident trafiku rrugor të ndodhur në lagjen Veterniku, të komunës së Prishtinës Nga informatat e para bëhet e ditur se tri vetura dhe një autobus janë përfshirë në aksident dhe si pasojë e aksidentit përveç dëmeve materiale një person ka pësuar lëndime”.
Ai tha gjithashtu se policia ka dalë në vendin e ngjarjes dhe ka nisur punën për hetimin e shkaqeve të këtij aksidenti.
