Ministri i Financave, Arben Ahmetaj në një bashkëbisedim me gazetarët në lidhje me performancën e ekonomisë në 8 muajt e vitit ka deklaruar se në tremujorin e parë të këtij viti ka patur rritje të konsiderueshme ekonomike në krahasim me 2015.
Ahmetaj është shprehur se ka rënie të papunësisë për të rinjtë si dhe është ulur borxhi publik falë shlyerjes së detyrimeve të prapambetura.
Ahmetaj: “Rritja ekonomike në tremujorin e parë të vitit ka qenë 2.96%. Jemi mbi mesataren e rajonit. Të ardhurat kanë patur një rritje të konsiderueshme krahasuar me 8-mujorin e vitit 2015. Janë 190 mln dollarë më shumë të ardhura këtë 8-mujor. Lajm i mirë në këtë drejtim është ulja e papunësisë tek të rinjtë në 15.9%. Reformat janë platforma ku mbështetet rritja. Kemi ulur borxhin publik falë mirëmenaxhimit dhe kemi paguar detyrimet e prapambetura ndaj biznesit. Periudha janar-gusht 2016 ka qenë më e mirë me të njëjtën periudhë të një viti më parë sa i takon bizneseve, me 7.943 njësi më shumë.”
