Rishikimi i kontratës koncesionare lejon fluturime nga aeroporte të tjera në vend
Kur ishte në postin e Ministrit të Ekonomisë, Arben Ahemtaj ka qënë pjesë rëndësishme e negociatave për të arritur një marrëveshje me TIA, për rishikimin e kontratës koncesionare të Rinaës. Tashmë që marrveshja u arritur dhe Ahmetaj është në pozicionin e Ministrit të Financave nuk ka ngruaur ta cilësojë si një sukses të qeverisë hapjen e aeroportit të Kukësit. “Negociuam mëse 2 vjet dhe nga sot edhe zyrtarisht, marrëveshja me Tirana International Airport (TIA) për liberalizimin e fluturimeve është një tjetër sukses për vendin”, ka deklaruar Ahmetaj. Këtë deklaratë shefi i financave të vendit e ka bërë në një postim në profilin e tij në rrjetin social Facebook.
Arritja e marrëveshjes me TIA dhe hapja për fluturime e aeroportit të Kukësit, i cili prej disa vitesh ndodhej në pritje u dha nga Ministri I Transporteve, Edmond Haxhinasto në një konferencë me përfaqësues të kompanisë koncesionare të Rinasit. Sipas tij aeroporti i Kukësit do të fillojë menjëherë pas kësaj dhe kjo do të krijojë mundësi të menjëhershme edhe për të hyrë edhe në marrëdhënie konçesionare me investitorë të tjerë.
Hapja e aeroportit të Kukësit do të krijojë rreth 200 vende të reja pune, ndërkohë që Haxhinasto deklaroi se po bëhet studimi i mundësisë për hapjen e një aeroporti tjetër në Jug të vendit.
Që marrëveshja të hyjë në fuqi, duhet më parë të kalojë në Këshillin e Ministrave dhe më pas në seancë plenare në Kuvend dhe ministri Haxhinasto tha se kjo do të ndodhë sa më shpejt që të jetë e mundur.
