Në komisionin e Veprimtarisë Prodhuese, ministri i Zhvillimit të Ekonomisë tha se priten oferta për ndërtimin e aeroporteve lokale
Ministri i Zhvillimit të Ekonomisë, Arben Ahmetaj, konfirmoi se është vendosur heqja e eksluzivitetit për e aeroportit “Nënë Tereza” për një rreze 100 km.
Në komisionin e Veprimtarisë Prodhuese, ministri Ahmetaj tha se priten oferta për ndërtimin e aeroporteve lokale. “Negociatat janë mbyllur me sukses. Dosja është çuar tek bordi i koncesionarit. Do të hiqet ekskluziviteti për një rreze 100 km. Presim oferta për ndërtimin e aeroporteve lokale”, tha Ahmetaj. Kompania gjermane “Tirana Aeroport Partners” kishte eksluzivitetin e plotë për aeroportin “Nënë tereza”.
Ministri foli edhe për pritshmëritë për rritjen ekonomike gjatë vitit 2017, e cila sipas parashikimeve të qeverisë do të jetë 4%.“Programi i refomrave ekonomike për vitet 2016-2018 është një dokument i konsoliduar. Ky document është hartuar me asistencën e donatorëve. Shtyllë kryesore është kuadri makroekonomik që përfshin rritjen ekonomike e risqet. Në vitin 2015 ishte 2.75% në vitin 2016 pritet të jetë 3.4% dhe në vitin 2017 rritja ekonomike pritet të jetë 4%”, tha Ahmetaj.
