Një ngjarje e rëndë ka ndodhur në veri të Afganistanit ku më shumë se 100 ushtarë mbetën të vrarë apo të plagosur në një sulm ndaj një baze ushtarake në provincën Balk.
Sulmi u mor përsipër nga talebanët. Autoritetet afgane njoftuan se me gjasë bilanci i viktimave mund të rritet, pasi shumë të plagosur janë në gjendje të rëndë.
Luftimet në bazën ushtarake zgjatën për disa orë. Sipas zyrtarëve vendas,disa prej tyre u vetëflijuan duke hedhur veten në erë. Mësohet se ata sulmuan ushtarët që sapo kishin dalë nga xhamia. Të paktën 10 terroristë mbetën të vrarë në sulm.
Sulmi ndaj ushtrisë afgane është i dyti brenda muajit.
