Një grup komandosh prej 5 njerëzish ka sulmuar qendrën e Save the Children në Jalalabad City, në Afganistan.
Bilanci i sulmit është 6 të vdekur dhe 24 të plagosur. Një kamikaze shpërtheu në hyrje të ndërtesës, duke i dhënë mundësi komandove të hynin në brendësi të godinës. Pas dhjetë orësh rrethimi të gjithë terroristët u vranë. Rreth 45 anëtarë të stafit u liruar nga forcat e sigurisë afgane. Isis ka marrë përsipër sulmin.
Dëshmitarët pohuan se skena paniku dhe frike përfshinë të gjithë zonën. Nxënësit e një shkolle private që ndodhej pranë qendrës, u larguan të terrorizuar.
Save The Children ka ndërprerë aktivitetin e saj në Afganistan. Organizata ka deklaruar që është e tronditur së tepërmi nga lajmi i sulmit në zyrat e qendrës në Jalalabad në Afganistan. Të gjithë aktivitetit në vend janë ndërprerë.
