Ditën e sotme përfundon afati për regjistrimin e partive në zgjedhjet e pjesshme vendore të 6 Marsit. Deri më tani, kërkesë në KQZ për tu regjistruar në zgjedhje kanë depozituar 9 parti politike.
Ato janë:
- PS
2. PD
3. LSI
4. Lëvizja e Re
5. Fryma e re Demokratike
6. Partia Kristian Demokrate
7. Partia Demokristiane
8. Partia e Reformave Demokratike
9. Partia Bashkimi Demokrat
Pas skadimit të afatit të sotëm, KQZ merr në shqyrtim kërkesat dhe brenda 24 orëve komisioneri bën regjistrimin e tyre. Pas 24 orësh të tjera, regjistrohen edhe kandidatët. në Në datën 2 shkurt do të regjistrohen edhe koalicionet zgjedhore.
Ish-kryeministri Sali Berisha deklaroi sot se kandidatët fitues të primareve do të regjistrohen në zgjedhje si koalicioni “Shtëpia e lirisë”, bashkë me LSI. Ai tha se po bisedohet edhe me aleatë të tjerë për të mbështetur koalicionin.
Ndërkohë, Basha ende nuk ka publikuar emrat e kandidatëve.
Nga ana tjetër, PS ka publikuar emrat e kandidatëve për 5 bashki, ndërsa ka njoftuar se të martën do të bëjë të ditur edhe emrin e kandidatit për Lushnjën.
Më 6 mars, do të zhvillohen zgjedhje të pjesshme lokale në bashkitë, Shkodër, Durrës, Dibër, Vorë, Rrogozhinë dhe Lushnjë.
