Kreu i opozitës Sali Berisha në një konferencë me gazetarët u shpreh se është takuar me ish-presidentin Ilir Meta.
Ndërsa paralajmëroi se kanë rënë dakord për një aksion të fuqishëm opozitar.
“Jam takuar me zotin Meta, nuk kemi caktuar një ditë fikse por kemi rënë dakord për një aksion të fuqishëm opozitar, për një përballje me këtë regjim, I cili po shtrëngon çdo ditë e më shumë monizmin e tij, vjedhjet, plaçkitjet dhe sundimin e krimit. Zhvillimet e dy ditëve të fundit kane qene zhvillime që në një shtet normal, të kujtojnë grushte të pjesshme shteti. Ti je kryeministër por ti nuk mund të heqësh drejtorin e policisë pa motive të forta dhe publike. E ke hequr për një qëllim të mbrapsht. Ti je kryeministër por nuk mund të heqësh drejtorin e SHISH. Ti je kryeministër por nuk mund te shkarkosh se janë institucionet me sensitive. Tani mori edhe bastet. Dy kanë qenë në fushën e basteve, Ervis Martini. Askush nuk merr vesh të vërtetë por fill pas zhdukjes, eliminimit te tij, bastet u rikthyen për ti marrë Olsi Rama. Lëvizjet e fundit që ka bërë një grusht shteti i pjesshëm”, tha Berisha.
