Një 68-vjeçar është aksidentuar për vdekje mesditën e sotme në autostradën Kavajë-Rrogozhinë.
68-vjeçari ka tentuar të kalojë përmes superstradës në fshatin Kryeluz të Kavajës, por ka gjetur vdekjen pasi është përplasur nga një mjet, autori i të cilit është larguar menjeherë nga vendgjarja.
Banorët e kësajë zone dhe fshatrave përreth kanë kohë që kanë ngritur shqetësimin për mungesën e mbikalimeve përgjatë autostradës.
Ata thanë për 27.al se janë të detyruar të kalojnë mbi hekurat rrethues për të kaluar në anën tjetër të fshatit, përndryshe mbeten të izoluar.
Para një muaji 27.al denoncoi mungesën e infrastrukturës në autostradën Kavajë-Rrogozhinë, ku pas kontaktimit me A.Rr.Sh (Autoriteti Rrugor Shqipëtar) , u premtua rregullimi sa më i shpejtë i këtij problemi, por puna vazhdon më ritme shumë të ngadalta.
Këta banorë vazhdojnë të rrezikojnë jetën çdo ditë, duke pritur që mbikalimet të përfundojnë në një të ardhme të shpejtë.
Më poshtë po iu rikujtojmë disa nga fotot që ne kemi realizuar para një muaji në këtë autostradë
