Drejtorja e Institutit të Shëndetit Publik, Albana Fico thotë se ende nuk ka një studim që të tregojë saktësisht që një i infektuar me koronavirus krijon imunitet dhe nuk preket sërisht.
“Këto lloj studimesh janë ende në fazat fillestare”, – thotë Albana Fico duke konfirmuar se ende në vendin tonë nuk ka asnjë rast që është infektuar me koronavirus sërish, pasi është shëruar më parë.
Fico thotë se format që po përdoren në botë për shërimin nga COVID-19 janë të ndryshme, por ende nuk ka një kurë të miratuar zyrtarisht.
Sot ishin 17 raste të reja me koronavirus në Shqipëri, duke sjellë një rritje të të prekurve.
