Vangjush Dako duket se është rikthyer fuqishëm në Bashkinë e Durrësit. Në fakt, zyrtarisht bashkia drejtohet nga ish-nënkryetari Zhulien Varfi, pas dorëheqjes së Valbona Sakos.
Por, ajo që bie fort në sy është prania e Vangjush Dakos. Ai u shfaq fillimisht brenda ambienteve të bashkisë, pikërisht ditën kur Sako u largua.
Ndërsa çdo ditë shihet të qëndrojë në kafenenë që ndodhet vetëm 100 metra larg bashkisë. Dhe jo vetem afërsia me objektin, por edhe personat me të cilët qëndron ngre dyshimet për rolin e tij. Abc News sjell foton e Dakos në kafe me ministrin fuqiplotë, Bledi Çuçi i cili u caktua nga Rama në krye të grupit të emergjencës. Po kështu, në tavolinë me ta është dhe miku i ngushtë i Vangjushit, drejtori i OSHEE-së, Ardian Çela.
Tre ditë më parë Abc News fiksoi momentin kur Vangjush Dako rifutej në godinën e Bashkisë Durrës pak orë pasi kishte dhënë dorëheqjen Valbona Sako, ç’ka tregon se ai tashmë ka kontroll të plotë mbi këtë institucion që e ka drejtuar prej 12 vitesh.
