Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

A janë dakord shqiptarët me sistemin zgjedhor? KQZ rrëzon kërkesën e 12 qytetarëve për Referendum të Përgjithshëm

Nga Ejona 0

Komisioni Qëndror i Zgjedhjeve ka rrëzuar sot kërkesën e 12 qytetarëve, nismëtarë për kryerjen e një Referendumi të Përgjithshëm për ndryshimin e sistemit aktual zgjedhor. Sipas njoftimit për shtyp të grupit të nismëtarëve, seanca është zhvilluar sot në orën 10.00 dhe nuk ka marrë shumicën e votave.

Grupi i nismëtarëve për Referendum të Përgjithshëm thotë se KQZ nuk merr dot vendime sepse nuk ka shumicën e anëtarëve, pra 7 anëtarë.

Njoftim për Shtyp:

Sot në orën 10 pranë ambjenteve të KQZ u mbajt seanca në lidhje me kërkesën tonë (12 qytetarë) për tu pajisur me Formularë për të realizuar një Referendum të Përgjithshëm.

Ky Referendum konsiston në pyetjen a janë dakord apo jo shqiptarët me sistemin aktual zgjedhor. Në seancën e datës 29 Shkurt, KQZ shtyu vendimarrjen pasi kërkoi që ne si grup nismëtar të saktësonim pyetjen, gjë që u plotësua nga na jonë.

Sot, në përfundim të seancës, rezultoi:

Komisioni Qëndror i Zgjedhjeve nuk merr dot Vendime, pasi sic e parashikon ligji, që një Vendim i KQZ të ketë fuqi ligjore, duhet të votohet të paktën nga 4 anëtarë të saj.

KQZ, për shkak të krizës politike, tashmë nuk ka 7 por 5 antarë, cka ka kompromentuar cdo vendimarrje të saj.

Sot KQZ nuk doli me asnjë Vendim për Kërkesën tonë, pasi nuk kishte numrat e duhur sipas kërkesave ligjore.

Cka është më e rëndë, është fakti që ne këtë mos vendim nuk e apelojmë dot në shkallën e dytë të gjykimit në Kolegjin Zgjedhor pasi edhe ai Institucion po kalon të njejtën krizë si KQZ, nuk ka numrin e duhur të gjyqtarve.

Pavarësisht krizave të thella ekzistenciale që kanë përfshirë shumë Institucione në Shqipëri, si parlamenti, Gjykata Kushtetuese, Gjykata e Lartë, KQZ, Kolegji Zgjedhor, KLSH etj ne garantojmë :

Se nuk do rreshtim së luftuari për të bërë të mundur ushtrimin e sovranitetit të shqiptarve nëpërmjet votës, pa ju deformuar vullneti dhe përfaqësimi direct. Pikërisht shtrëmbërimi dhe korruptimi I përfaqësimit nga partitë politike I këtij vullneti ka bërë që sot të kemi Institucione fasadë si KQZ etj.

Sërish ne do procedojmë deri në fund në rrugëtimin tonë referendar, për ti bërë skanerin këtij sistemi korruptiv dhe antidemokratik.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej