Nga Ledian Droboniku
28 Nëntor 2018?
A është sot Shqipëria dhe shqiptarët më mirë, sesa festimet dhe urimet e një viti më parë?
A u rrit mirëqenia, a po vazhdon djaloshëria të braktisë atdheun, a janë rrit punësimet dhe investimet, a u çlirua ekonomia nga mamuthët e importit, a u vunë pasuritë kombëtare në shërbim të popullit, a u përmirësua apo përkeqësua shëndetësia, arsimi, siguria ushqimore, mjedisi, cilësia dhe çmimi i karburanteve, barnave e skaduara, a u forcua apo u dobësua atdheu nga tradhëtarët e shitur brenda në politikë media e kudo, ata që fabrikuan 11 minoritete të huaja, që u lejojnë varre të huajve e nuk kërkojnë as shkolla për shqiptarët atje, ata që shkatërrojnë ushtrinë e forcojnë policinë, ata që kthyen kalatë në gjellëtore e betonizuan perla 3000vjeçare, ata që denigrojnë artin e kulturën kombëtare për ta zëvendêsuar me artin e tyre dekadent e globalitarist, a u ulën apo u rritën konfliktet sociale gjatë një viti, a u rrit bashkimi apo përçarja e këtij populli në dhjetëra fraktura, a u rrit individualizmi apo solidariteti, a u rrit ksenokracia brukseliane/amerikone apo atdhedashuria, a u rrit dashuria për demokracinë apo fetiçizmi për partinë, a u rrit apo u tkurr vetëdijësimi për SOVRANITET kombëtar, popullor, ekonomik, financiar e ushtarak etj.etj???
Nëse këto nuk janë përmirësuar, dy janë zgjidhjet:
1. Ose të intensifikojmë urimet e festimet pa u kursyer për asgjë
2. Ose ndoshta të provojmë diçka tjetër. Psh LUFTA pa kompromis ndaj modelit neoliberist dhe oligarkëve që kanë zaptuar kombin dhe mbështetësit e tyre, ata që mbjellin varfëri, padrejtësi, dekadencë, ndarje e përçarje.
Viti i Skënderbeut na gjen prapë të pushtuar, prandaj nuk ka vend për gëzim por mobilizim e iluminim. Edhe duke lexuar një vepër rilindase, lartësuar artin kulturën dhe memorien shqiptare. Çdo simbol që NA BASHKON e jo që na ndan.
Rroftë FESTA E VETME KOMBËTARE ❤?? 28 NËNTORI KUQEZI.
MIRËNJOHJE E FRYMËZIM NDAJ ÇDO PATRIOTI QË DHA JETËN PËR ATDHE!
POSHTË ARMIQTË, MOHUESIT, NDARËSIT DHE PËRÇARËSIT E SHQIPTARËVE!
