Banorët e Astirit kanë deklaruar se rezistenca e tyre do të vijojë ndërkohë që në këto momente po zhvillohet një takim për të diskutuar mënyrën se si do të veprojnë ditët në vijim.
Ata shprehen se shteti tregoi ndaj tyre ditën e djeshme fytyrën e tij, ndërsa argumentojnë se ndaj tyre u përdor dhuna më e tmerrshme që ka njohur vendi ndonjëherë.
Gjithashtu banorët e Astirit kanë kërkuar ndihmën e qytetarëve në përkrahjen e tyre që të mos përsëriten më aktet e djeshme, si dhe shprehen se nuk janë kriminelë e shpellarë sikurse i konsideron shteti, por mbrojnë atë që është e tyre.
