Përpara se të bëhej kampion i Botës, Joakim Lëv ka deklaruar se i adhuronte trajnerët italianë, të cilët i kanë dhënë kuptim pankinave me inteligjencën e tyre, taktikën e pakontestueshme dhe marrdhëniet që ndërtojnë në skuadrat ku drejtojnë. Kështu e ka nisur një koment të saj “La Gazzetta dello Sport”, me titull: “Mjeshtrat e vërtetë jemi ne”. Dhe shembujt mund të gjenden lehtësisht. Klaudio Ranieri është në krye të Premier League me surprizën Leiçester, ndërsa Karlo Ançeloti, pasi i dha Champions-in e dhjetë Realit, nga sezoni i ardhshëm do të drejtojë Bajernin e Mynihut. Eshtë Antonio Konte, i cili pas hegjemonisë në Serinë A me Juventusin, i është besuar nga Abramoviç pankina e Çelsit. Por veç Ranierit ka edhe në skuadra të tjera me buxhet jo të ekzagjeruar që imponohen, siç është rasti i Sarit tek stoli i Napolit. E përditshmja prestigjoze italiane risjell në vëmendjen e publikut: “Shikoni Shqipërinë, e sjellë në Europian nga Xhani de Biazi”, duke e konsideruar si një nga shembujt më të mirë të shkollës së shkëlqyer italiane të trajnimit.
