Policia ka arrestuar tre persona në kuadër të operacioneve për kapjen e personave në kërkim, të atyre që qarkullojnë me armë zjarri pa leje dhe atyre që mbajnë apo trafikojnë lëndë narkotike.
Në pranga kanë rënë shtetasit, Olsi Toska, 24 vjeç, Astrit Buci, 34 vjeç, dhe Altin Margjoka, 30 vjeç.
Arrestimi i Astrit Bucit dhe Altin Margjokës është bërë për kundërshtim dhe goditje të punonjësit të policisë.
Sipas informacioneve paraprake, në çastin e shoqërimi nga policia Astrit Buci ka goditur punonjësit e policisë dhe më pas ka ndërhyrë shoku i tij Altin Margjoka, i cili ka goditur policët për mos shoqërimin e shokut të tij.
Tre të arrestuarit do të përballen me akuzat “Prodhim dhe Shitje e lëndëve narkotike” dhe “Kundërshtim me dhunë i punonjësve të policisë”.
