Ministri i Drejtësisë, Ylli Manjani dhe kandidati për në krye të Apelit, Alaudin Malaj, kërkuan më herët largimin e gjyqtarit nga votimi
Anëtari i KLD-së, gjyqtari Gjin Gjoni është tërhequr nga procesi i votimit në mbledhjen e sotme të Këshillitë të Lartë të Drejtësisë, për zgjedhjen e kreut të Gjykatës së Apelit të Tiranës.
Gjyqtari, Gjin Gjoni, hoqi dorë nga votimi në KLD për kreun e Apelit, pasi një kërkesë të tillë e kishte bërë më heret, ministri i drejtësisë Ylli Manjani por edhe kryetari i Apelit, Alaudin Malaj, i cili rikandidon për këtë post. Malaj tha se Gjin Gjoni është në konflikt interesi për shkak se ka paraqitur një padi penale ndaj Malajt. Edhe pse kjo çështje është pushuar nga ana e Prokurorisë së Rrethit Gjyqësor Tiranë, për Alaudin malajn, mund të ndikojë në vendimarrjene gjyqtarit Gjin Gjoni.
Për postin e kryetarit të gjykatës së Apelit, rikandidon Alaudin Malaj dhe në garën për këtë post janë edhe dy gjyqtarë të tjerë, Hysni Demiraj dhe Gramoz Levanaj.
