Duhet të jetë ndonjë inat shumë i madh që po e mban Alban Mehën larg ekipit Kombëtar, por gjithsesi asgjë nuk e justifikon përjashtimin e tij me kaq arrogancë, aq më shumë në prag të finaleve Euro 2016. Thuhet se dikur ka refuzuar një herë stolin, madje ka sajuar një arsye për t’u larguar nga grumbullimi, gjë që e ka bërë De Biazin të mos e fal më. Por e vërteta është që mesfushori ka tentuar ta rifitojë fanelën me deklarata dashurie, ndërsa me atë çka po bën në fushën e lojës thjeshtë e meriton. Meha është një nga futbollististët më stabël në skuadrën e tij Konyaspor në Superligën turke, duke përjashtuar fillimin e edicionit, kur ka vuajtur nga një dëmtim. Me 18 ndeshje të luajtura ka shënuar katër gola, si dhe është autori i eleminimit në mesjavë të Beshiktashit nga kupa e Turqisë. Eshtë cilësuar “mbreti i asisteve”, duke regjistruar shtatë të tillë dhe skuadra e tij me emër të vogël tashmë klasifikohet në zonën UEFA, duke lënë prapa gjigandët e Gallatasarajit. Çfarë mund të bëj më shumë ky lloj Albani për të ulur inatin e atyre që i kanë në dorë karierën? Ndërkohë një pjesë e përfaqësuesve tanë në finalet e Francës kanë pasur shumë më pak minuta në dispozicion me skuadrat e tyre, ose nuk kanë pasur fare ekipe deri para një muaji…
Sot dueli me çekët, formacioni i mundshëm i Kombëtares/ Presidenti Duka apel tifozëve në stadium: Le të tregojmë qytetari
Sot në mbrëmje, gjithë vëmendja është në Arenën Kombëtare aty ku Shqipëria do të përballet me Republikën Ceke. Edhe në...
