Goditën bluzat e bardha, shoqërohen 3 të dehurit
Dhunë mbi bluzat e bardha në qytetin e Fierit. Një mjek i urgjencës dhe një infermier janë goditur me grushta nga disa persona të dehur. Ngjarja ka ndodhur pasditen e së dielës pas një konflikti mes personave të dehur dhe mjekëve në mjediset e Spitalit Rajonal të Fierit. Sipas policisë mjekët janë goditur me grushta në kohën që ata ishin në shërbim. Pasi uniformat blu kanë mbërritur në vendngjarje kanë shoqëruan 3 persona të cilët ishin në gjendje të dehur. Në polici për të bërë denoncimin janë shoqëruar edhe mjeku e infermieri i dëmtuar.
