Në Maqedoni është miratuar projektligji i cili i hap dritën jeshile zyrtarizimit të gjuhës shqipe.
Projektligji i cili pritet t’i kalojë Kuvendit për diskutime në muajin shtator, parashikon se veç gjuhës maqedonase, të zyrtarizojë edhe gjuhën shqipe.
“Në të gjitha organet e pushtetit qendror në Republikën e Maqedonisë, institucionet shtetërore, ndërmarrjet publike, drejtoritë, komisionet, personat juridik , të cilët kryejnë autorizime publike në pajtim me ligjin dhe institucionet tjera, gjuhë zyrtare përveç gjuhës maqedonase dhe shkrimit të saj është edhe gjuha që e flasin 20 për qind e qytetarëve të Republikës së Maqedonisë, në mënyrë të përcaktuar me ketë ligj”, thuhet në projektligjin e Qeverisë Maqedonase, që u miratua mbrëmjen e së premtes.
Edhe pse fillimisht u fol se gjuha shqipe do të ishte dhe në kartëmonedha, kjo gjë nuk është parashikuar në këtë projektligj.
