Hapësira për biçikletat në rrugët e kryeqytetit mbetet ende e vogël, por sikur kjo të mos mjaftonte drejtuesit e makinave ua vështirësojnë aksesin në këto rrugë.
Nuk janë të pakta rastet kur makinat apo edhe këmbësorët ecin në rrugën e biçikletave pa u shqetësuar nëse dikush me biçikletë po pret pas tyre.
Fotografia që shikoni është shkrepur sot në Laprakë. Dukshëm makina ka zaptuar tërësisht korsinë e biçikletave.
Në këtë mënyrë gabimi do të pasojë gabimin, pasi biçikletës do t’i duhet të ecë në trotuar duke penguar njerëzit, ose në rastin më të keq të futet në rrugën e makinave që është një rrezik më vete.
