Ditën e sotme zhvillohen zgjedhjet për kryetarin e Partisë Demokratike te Shqipërisë. Të gjithë anëtarët e Partisë Demokratike janë të ftuar të marrin pjesë e të shprehin verdiktin e tyre se kush duhet ta drejtojë Partinë Demokratike në 4 vitet në vijim. Votimi u hap në orën 8 të mëngjesit dhe mbyllet në orën 19.00.
Zgjedhja e kryetarit të PD është me parimin një anëtar një vote, dhe mbahet pas një fushate intensive që kanë kryer kandidatet Lulzim Basha dhe Eduard Selami, në çdo degë të PD në gjithë vendin. Votimi po zhvillohet ne 68 qendra votimi në të gjitha degët e PD.
