Fermerët e Varibopit në Cakran kanë protestuar në autostradën Levan – Tepelenë pasi prodhimet e tyre po kalben në mungesë të një tregu.
Sipas fermerëve drejtori i bujqësisë në bashkinë Fier në fillim viti u tha që të mbillnin bostan, bamje, domate për salcë sepse tregu ishte gati për shitje, por kjo ka rezultuar mashtrim pasi prodhimet po kalben në arë.
“Thanë keni tregun të garantuar. Erdhën këtu në janar, shkurt. Vinin dy herë në ditë saqë bënë shkresat. Morën subvencionet dhe ikën.
Domatja është e saktë dhe e mirë. Gramoz Ruçi të vijë të shikojë gjendjen reale, sepse ka marrë votën“, janë shprehur banorët e zonës.
Fermerët apelojnë se në qoftë se qeveria dhe kryeministri Rama nuk japin zgjidhje tani në sezon vere do bllokojnë autostradën Levan – Tepelenë duke hedhur bostan e prodhime bujqësore.
