Pas lajmeve se trajneri dhe disa lojtarë të Kukësit janë ndaluar nga policia austriake në Vjenë, ka ardhur një reagim nga klubi.
Përmes një postimi në rrjetin social Facebook Klubi i Kukësit mohon që ndokush prej tyre të jetë ndaluar.
Klubi i Kukësit sqaron se e gjithë skuadra ishte brenda në hotel, ndërsa e shoqëron postimin edhe me një fotografi të dritares me shi.
“Ju përshëndesim me një foto jashtë hotelit ku është akomoduar ekipi. Fotoja nuk është e qartë, pasi po bie shi në kryeqytetin e Austrisë, aty ku po kalon natën edhe ekipi.
Sot do të jetë nisja për Moldavi. E përsërisim që skuadra po kalon natën në Vjenë, çdo informacion dhe lajm tjetër është i gabuar.
#ForcaKukësi #ChampionsLeague”, shkruhet në postim.
