Samiti i G20 në Hamburg të Gjermanisë është pritur me protesta. Jana rreth 61 vatra zjarri të përhapura në të gjithë qytetin pas sulmeve ndaj forcave të sigurisë pranë hotelit “Park Hyatt”.
Protestuesit gjithashtu kanë qëlluar edhe në drejtim të një helikopteri të policisë gjermane.
Hoteli “Park Hyatt” pret presidentin rus, Vladimir Putin presidentin koreanojugor, Moon Jae In dhe kryeministrin australian, Malcolm Turnbull ndërsa mësohet se Melania Trump për arsye sigurie ndodhet në residence.
Protestuesit kanë bllokuar të gjitha rrugët që të çojnë drejt godinës ku do të mbahet Samiti i G20-ës ndërsa kanë djegur me dhjetëra automjete në hapësira të ndryshme të qytetit.
Numri i të plagosurve mes forcave të rendit ka arritur në të paktën 111 persona. Liderët e G20-ës bisedojnë sot dhe nesër për një varg çështjesh, përfshirë tregtinë dhe ndryshimet klimatike.
