Presidenti i Kosovës, Hashim Thaçi, dhe presidenti i Serbisë, Aleksandar Vuçiç janë pritur në një takim joformal nga ish shefja e Politikës së Jashtme të Bashkimit Europian, Federica Mogherini, në Bruksel.
Në njoftimin e zyrës së saj të shtypit thuhet se, dy udhëheqësit u pajtuan që të punojnë për fillimin e një periudhe të re të bisedimeve mbi normalizimin e marrëdhënieve, e vendosën njëkohësisht që ekipet e të dyja palëve të nisin përgatitjet.
“Thaçi dhe Vuçiç nënvizuan rëndësinë e zbatimit pa vonesë të marrëveshjeve të arritura në bisedimet e deritashme”, vazhdon deklarata, që nënvizoi edhe njëherë se kryediplomatja europiane konfirmoi sërish përkushtimin e bllokut për ardhmërinë europiane të Ballkanit Perëndimor.
Takimi i së hënës vjen në një kohë kur ishte paralajmëruar se, bisedimet do të zhvillohen në nivel presidentësh, gjë që ngjalli reagime të forta në Kosovë.
