Një aksident ka ndodhur paraditen e sotme në Shkodër ku për pasojë ka mbetur i plagosur rëndë një këmbësor pasi u përplas nga një automjet.
Ngjarja ka ndodhur rreth orës 10:00 në hyrje të qytetit, tek vendi i quajtur “Bexhisteni”.
Një makinë tip “Benz” ngjyrë e zezë përplasi një burrë rreth moshës 55-60 vjeç teksa kalonte rrugën, duke e lënë të shtrirë në tokë.
Mësohet se drejtuesi i mjetit i ka dhënë ndihmën e parë të plagosurit, i cili është transportuar në spitalin e Shkodrës për mjekim dhe ndodhet në gjendje të rëndë shëndetësore.
Ende nuk dihen shkaqet e aksidentit ndërkohë policia ka nisur hetimet për zbardhjen e tyre.
