I pozicionuar i katërti në listën e kandidatëve për deputetë të PD-së në qarkun e Vlorës, Arben Ristani sipas gjasave nuk do të arrijë të futet në Parlament.
Në një postim të shkurtër në Facebook, Sekretari i Përgjithshëm i PD-së falenderon të gjithë mbështetësit, ndërsa apelon numëruesit dhe komisionerët e PD të numërojnë çdo votë.
Ristani: Falenderoj me mirënjohje të thellë të gjithë anëtarët dhe simpatizantët e Partisë Demokratike për katër vitet e një opozite të vështirë, tre muaj qëndresë në çader dhe një muaj fushatë të përkushtuar. Po ashtu ju bëj thirrje numeruesve dhe komisionerëve te PD, që të numërojnë cdo votë te opozitës, që vullneti i Shqiptarëve të pasqyrohet drejtësisht. Me përgjegjësinë e plotë si Sekretar i Përgjithshëm i Partisë Demokratike të Shqipërisë shpreh keqardhjen për rezultatîn e zgjedhjeve dhe bindjen se misioni i Partisë Demokratike vazhdon.
