Një thirrje e veçantë nga thellësia e zemrës shkon për të gjithë patriotët e Çamërisë që të votojnë Partinë Drejtësi, Integrim dhe Unitet, të vetmen forcë politike që u ngrit për të mbajtur gjallë amanetin e të parëve çamë
Kryetari i Shoqatës Çamëria, Dr. Abaz Hado në një letër drejtuar të gjithë shqiptarëve kudo ku janë, që do marrin pjesë në procesin e votimit këtë të diel, bën thirrje që të votohet PDIU-ja, pasi kryetari i kësaj partie ishte i vetmi që ngriti Çështjen Çame në parlamentin e Shqipërisë.
Hado shprehet se PDIU-ja është e vetmja parti e që mbron të drejtat e komunitetit çam, e cila është një zemër e një mendje me Çamërinë.
“Nëse votoni partinë e Vangjel Dules, keni tradhëtuar amenetin e të parëve tanë”, shprehet Hado.
Thirrje e kryetarit të Shoqatës Patriotike Ҫamëria
Motra dhe vëllezër! Patriot të mi Ҫamë!
Erdhi ora për Ҫamërinë! Erdhi ora e së vërtetës, bëjeni votën tuaj me vlerë për zgjidhjen e ҫështjes Ҫame. Sot ju bëj thirrje nga thellësia e zemrës. Votoni djemtë dhe vajzat që përfaqësojnë PDIU-në, e vetmja force politike që u ngrit për ҫështjen tonë, për amanetin tonë. Ka qënë PDIU-ja dhe Shpëtim Idrizi që ngritën ҫështjen tone në parlamentin e Shqipërisë.
Kudo ku jeni, votoni PDIU-në dhe Shpëtim Idrizin, që patriotët e Tiranës, Durrësit, Elbasanit, Vlorës, bashkohuni Peshkopisë, Shkodrës, Lezhës që të shkojmë drejt fitores.
Një thirrje të veҫantë për patriotët e mi në Vlorë. Ju jeni sot shpirti i fitores sonë sepse keni në dorë me votën tuaj, të pengoni që të mos futet në parlament një antishqipëtar dhe një antiҫam.
Ju duhet të keni ndërgjegjjen e pastër para amanetit të gjyshërve tuaj, nënave dhe baballarëve, që as varr nuk kishin gjersa në ditëm të marrim fatin tone në dorë.
Nëse për ҫdo lloj arsye ju votoni Vangjel Dulen, duhet të kuptoni se me këtë akt ju keni tradhëtuar amanetin e të parëve tanë.
Sot është ditë e madhe për të gjithë ҫamët. Kudo që jeni, kur të ҫoni një lule tek varrezat, ku janë eshtrat e të parëve tanë duhet të jeni me zemër e me mëndje për Ҫamërinë.
Ne nuk përulemi, se nuk mund të na ndalin tradhëtarët.
Ne jemi Ҫamë. Zoti ju bekoftë.
Kryetari i shoqatës patriotike Ҫamëria
Dr.Abaz Hado
