Kandidatja e PDIU-së në Dibër, Reme Lala i është përgjigjur thirrjeve të kryetarit të PD-së, Lulzim Basha drejtuar qytetarëve për të mos votuar PDIU-në në Peshkopi.
Lala u shpreh se qytetarët e Peshkopisë e kanë humbur besimin tek Partia Demokratike pas shkatërrimit që i kreu i kësaj partie i ka bërë asaj.
“I them Lulzim Bashës erdhe në Dibër dy herë brenda pak ditësh, ku herën e parë ishe në shesh dhe pe një grusht të vogël njerëzish.
E pe se sa njerëz dolën për ty. Sot dole në lulishte të ndiheshe me i relaksuar, por prapë nga dëshpërimi jot dhe shkatërrimi që i ke bërë PD-së, që mua dhe të parëve të mijë na dhimbset shumë.”-shprehet Lala.
Ajo tha se babai i saj i ka shërbyer Partisë Demokratike në kohën që Basha punonte kamarier në lokalet e natës në Hollandë, ndaj dhe u shpreh e sigurt që do ta mbrojë Partinë Demokratike nga lideri i saj.
“Të siguroj se do ta mbrojmë ne Partinë Demokratike. Lulzim Basha, zure emrin e babait tim, ju jeni politikan, dhe si të pafytyrë që jeni se keni problem se zini emra familjarësh.
Po jeni edhe frikacak se pastaj kërkoni falje duke thënë mos na e merr për ters se bëjmë politikë.
Babai im është një luan, luani udhëton vetëm, jo në kotec si delet tuaja.
Kur ka luftuar dhe punuar babi im për PD-në, ti shërbeje me pantallona të shkurtra dhe papion në qaf në lokalet e Holandës.”, -tha Lala.
