Kryetari i LSI, Petrit Vasili ka reaguar pas deklaratave të kryeministrit Edi Ramës, i cili gjatë mitingjeve elektorale në Roskovec dhe Mallakastër insistoi për vota drejt PS-së në mënyrë që të qeverisë e vetme pas 25 qershorit.
Përmes një deklarate të shpërndarë për mediat, Vasili tha se Rama pati policinë në dorë dhe e mbyti vendin me drogë. Vasili ka shtuar se Rama po të kishte qeverinë, gjërat do të kishin shkuar edhe më keq për vendin.
“Rama i do gjërat që t’i ketë vetëm. E pati policinë të gjithën vetëm dhe e përmbyti Shqipërinë me drogë. Po ta kishte vetëm të gjithë qeverinë, do ta hidhte Shqipërinë në greminë”, u shpreh Vasili.
