Një aksident i rëndë ka ndodhur në Itali ku si pasojë kanë mbetur të plagosur një çift shqiptarësh, foshnja e tyre 7 muajshe dhe një grua italiane.
Ngjarja ka ndodhur në San Chiaffredo di Busca në Cuneo të Italisë.
Mediat italiane sqarojnë se gjatë aksidentit një makinë i ka përplasur nga e majta dy të tjera, njëra prej të cilave ka përfunduar jashtë rruge e përmbysur në njërën anë. Fatmirësisht asnjë prej të plagosurve nuk është në gjendje të rëndë për jetën.
Në vendngjarje kanë mbërritur menjëherë ambulanca, forcat e policisë dhe zjarrëfikësja.
