Forcat e NATO-s në Shqipëri kanë udhëtuar drejt territorit grek, në mënyrë që të bashkojnë forcat euroatlantike që do të marrin pjesë në stërvitjen e NATO-s “Noble Jump” në Rumani.
Këto forca janë bllokuar në stacionin e taksës rrugore në Polimilo të Kozanit, në Greqinë veriore, 130 km nga Kapshtica. Një turmë shtetasish grekë nuk lejuan kalimin e 20 automjeteve dhe dy autobusëve, si dhe i kanë detyruar të kthehen përsëri në tokën shqiptare. Karvani i protestuesve kundër forcave shqiptare të NATO-s mbanin në duar parrulla si “As tokë, as ujë, vrasësit e popullit!”, “Vrasësit e NATO-s të shkojnë në shtëpi!” duke shkaktuar kështu një situatë vibruese.
Por disa orë më pas, ushtarakët shqiptarë arritën të vazhdojnë rrugën e tyre drejt shtetit Rumun.
Lajmin e ka konfirmuar Shtabi i Përgjithshëm i Forcave të Armatosura të Republikës së Shqipërisë.
Stërvitja e NATO-s, në të cilën merr pjesë edhe Greqia, synon të krijojë forca të afta për të ndërhyrë, kur është e nevojshme për të ndihmuar popullin.
