Policia ka sekuestruar ditën e sotme 140 kg drogë në disa fshatra të Vlorës pas një operacioni të përbashkët nga ajëri, toka dhe uji.
Në operacion janë përfshirë disa forca policie, konkretisht: Drejtoria Vendore e Policisë Vlorë, Drejtoria Vendore e Policisë Kufitare dhe Migracionit Vlorë, Reparti Delta Force, Njësia Speciale FNSH Fier dhe Guardia di Finanza.
Vazhdojnë hetimet për arrestimin e autorëve të implikuar në këto veprimtari kriminale.
Policia bën me dije se në ditët në vijim do të ketë kontrolle të rrepta me grupe pune të mirëorganizuara si dhe monitorimin e të gjithë territorit nga ajëri, toka dhe uji me qëllim parandalimin e veprimtarive të paligjshme si dhe marrjen e masave për ndëshkimin e personave përgjegjës.
