Një sasi prej 120 kg kanabis sativa i është sekuestruar një shtetasi grek në afërsi të kufirit me Shqipërinë, në aksin rrugor Janinë-Antirio.
Policia kishte sinjalizuar 26 vjeçarin dhe i kishte bërë shenjë të ndalonte. Shtetasi grek nuk iu bind urdhërit dhe rriti shpejtësinë, ndërsa policia u vu në ndjekje të tij.
Në vendin e quajtur Stano, 7 km nga Amfilohia, 26 vjeçari e la makinën në mes të rrugës dhe u largua me vrap, mirëpo u kap nga një patrullë e policisë rrugore.
Nga kontrolli në automjetin e tij, në sedilet dhe në portbagazh, u gjetën 119,3 kg kanabis, të ambalazhuara në 54 paketa.
Përveç mjetit, policia sekuestroi edhe dy vazo qelqi që kishin vaj kërpi me peshë të përgjithshme 1,3 litra, si dhe automjetin.
