Interpol Tirana ka ekstraduar sot nga Milano një 45-vjeçar nga Mirdita i dënuar për vrasje.
Shtetasi Arben Dodaj (Doda), me pasaportë të falsifikuar, ishte shpallur në kërkim pasi Gjykata e Rrethit Gjyqësor Mirditë e ka dënuar me 22 vjet burgim, për kryerjen e veprës penale të “Vrasje me paramendim, të kryer në bashkëpunim” dhe “Armëmbajtje pa leje“.
Bëhet fjalë për një ngjarje të ndodhur në datën 17.08.1997 rreth orës 16.00 në fshatin Shtrezë të rrethit Mirditë. Shtetasi Arben Doda në bashkëpunim me një shtetas tjetër, kanë vrarë me armë zjarri shtetasin P.D.
