“Hapi që do të ndërmarrë Rusia dhe Turqia do të ndryshojë fatin rajonit”, kështu ka deklaruar Presidenti i Turqisë Recep Tayyip Erdogan pas takimit homologu i tij rus Vladimir Putin, në lidhje me çështjen e Sirisë.
Takimi i Presidentit Turk dhe ai Rus është i pesti pas incidentit mes këtyre dy vendeve.
Në lidhje me sulmin kimik në Han Shejhun të Sirisë Erdogan ka thënë se “Askush nuk do të mbesë dhe nuk duhet të mbesë pa u ndëshkuar nga një sulm i tillë i egër.Sot me të nderuarin Putin kam vërejtur se jemi në të njëjtin mendim se është jashtëzakonisht e rëndësishme që të ndëshkohen përgjegjësit e këtyre sulmeve.Në të gjitha këto çështje do të vazhdojmë punimet tona në koordinim të vazhdueshëm me Rusinë”.
“Armëpushimi i zbatuar nën garantimin e Turqisë, Rusisë dhe Iranit përbën një dritare mundësie të rëndësishme që punimet për zgjidhjen politike të kenë sukses. Nuk duhet të humbasë kjo mundësi e artë “, ka thënë ndër të tjera Erdogan.
