Një ngjarje e rëndë ka ndodhur në Kukës ku dy vëllezër kanë qëlluar me armë zjarri ndaj një 26 vjeçari për ta vrarë, por fatmirësisht e kanë lënë të plagosur.
Policia ka arrestuar njërin nga vëllezërit shtetasin Luan Tershalla, 39 vjeç, banues në fshatin Krenzë si dhe ka shpallur në kërkim të vëllain, shtetasin S.T., 44 vjeç, gjithashtu banues në fshatin Krenzë, Kukës.
Arrestimi u bë pasi vëllezërit në bashkëpunim me njëri-tjetrin, për motive të dobëta (pronësie), kanë tentuar të vrasin me armë zjarri shtetasin A.T., 26 vjeç, banues në Krenzë, ku për pasojë ka mbetur i plagosur.
I plagosuri ndodhet në spital e Kukësit, fatmirësisht jashtë rrezikut për jetën.
