E reja e fundit nga fushata presidenciale në Francë ka të bëjë pikërisht me kandidaten e ekstremit të djathtë Marine Le Pen e cila akuzohet se ka kopjuar fjalimin e republikanit Francois Fillon me të cilin ishte në garë gjatë raundit të parë të zgjedhjeve presidenciale.
Mediat raportojnë se shumë paragrafë të fjalimit të mbajtur prej Le Pen, në ditën e 1 majit në Villepinte janë të njëjtët me deklaratat e Fillon të datës 15 prill.
Stafi i Le Pen mbrohet duke thënë se ishte thjesht një pasazh prekës për Francën dhe që tregon se Le Pen dëshiron të bashkojë vendin.
